Savera Gujarat
તાજા સમાચાર
Other

રતન ટાટા યુકેમાં કરી રહ્યા છે અત્યાર સુધીનું સૌથી મોટું રોકાણ

નવી દિલ્હી, તા.૧૬
ભારતના અગ્રણી ઉદ્યોગપતિ રતન ટાટા યુકેમાં અત્યાર સુધીનું સૌથી મોટું રોકાણ કરવા જઈ રહ્યા છે. રતન ટાટાએ મોટો ર્નિણય લીધો છે. ટાટા સ્ટીલ અને બ્રિટિશ સરકાર વચ્ચે નાણાકીય પેકેજ પર સહમતિ બની છે. ટાટા સ્ટીલે વેલ્સમાં પોર્ટ ટેલ્બોટ સ્ટીલ પ્લાન્ટમાં મોટા રોકાણ માટે યુકે સરકાર સાથે મહત્વના કરાર પર હસ્તાક્ષર કર્યા છે. આ કરાર હેઠળ યુકે સરકાર ટાટા સ્ટીલને સબસિડી આપશે. બ્રિટને શુક્રવારે જાહેરાત કરી હતી કે તે વેલ્સમાં દેશના સૌથી મોટા સ્ટીલવર્ક માટે ટાટા સ્ટીલ સાથે સંયુક્ત રોકાણ પેકેજ માટે સંમત છે. પોર્ટ ટેલ્બોટ પ્રોજેક્ટમાં ૧.૨૫ બિલિયન પાઉન્ડના સંયુક્ત રોકાણની યોજના પર ટાટા સ્ટીલ અને બ્રિટિશ સરકાર વચ્ચે સહમતિ બની છે. તેમાંથી ૫૦ કરોડ પાઉન્ડ એટલે કે ૬૨ કરોડ ડોલર ટાટા સ્ટીલને અનુદાન સ્વરૂપે મળશે. બાકીની રકમનું રોકાણ ટાટા સ્ટીલ કરશે. વેલ્સમાં સ્ટીલવર્ક માટે યુકે દ્વારા ટાટા સ્ટીલ સાથે સંયુક્ત રોકાણ પેકેજ કરારમાં ૫૦૦ મિલિયન પાઉન્ડ સુધીની ગ્રાન્ટનો સમાવેશ થાય છે. તમને જણાવી દઈએ કે આ પ્રોજેક્ટની મદદથી વેલ્સના સ્ટીલ પ્લાન્ટમાં ગ્રીન એનર્જીના ઉપયોગથી સંબંધિત ટેક્નોલોજી લગાવવામાં આવશે. ટાટા સ્ટીલનું આ રોકાણ પ્લાન્ટ ચલાવવામાં અને પ્રદૂષણ ઘટાડવામાં મદદ કરશે. ટાટા ગ્રુપના ચેરમેન એન. ચંદ્રશેખરને આ જાહેરાત પર ટિપ્પણી કરતા જણાવ્યું હતું કે, યુકે સરકાર સાથેનો કરાર એ સ્ટીલ ઉદ્યોગના ભાવિ અને ખરેખર યુકેમાં ઔદ્યોગિક મૂલ્ય શૃંખલા માટે નિર્ણાયક ક્ષણ છે. તેમણે ઉમેર્યું હતું કે સૂચિત રોકાણ નોકરીઓ જાળવી રાખશે અને સાઉથ વેલ્સમાં ઔદ્યોગિક આધાર બનાવશે. ઈકોસિસ્ટમના વિકાસ માટે એક વિશાળ તક રજૂ કરશે. તેમણે ઉમેર્યું હતું કે, તેઓ આ દરખાસ્તો પર તેમના હિતધારકો સાથે જવાબદારીપૂર્વક કામ કરવા આતુર છે. તમને જણાવી દઈએ કે ટાટા સ્ટીલ યુકેએ આ વર્ષની શરૂઆતમાં તેના નાણાકીય જાેખમને ઘટાડવાનો નોંધપાત્ર ભાગ પૂરો કર્યો હતો.

Related posts

અમદાવાદ બ્લાસ્ટ કેસમાં કોર્ટે 49 આરોપીઓને કર્યા છે દોષિત જહેર, જાના ઓર્ડર પર વિશેષ કોર્ટમાં સુનાવણી શરૂ

saveragujarat

યુએસ જવા નિકળેલા મહેસાણાના બે યુવક કેનેડામાં લાપતા થયા

saveragujarat

  ૮ મે સુધીમાં બધા ધામોના કપાટ યાત્રીઓ માટે ખુલી જશેઃ   ચારધામ યાત્રામાં રોજ ૩૮ હજાર યાત્રીઓ દર્શન કરી શકશે 

saveragujarat

Leave a Comment