[ad_1]
દિલ્હી વિધાનસભા ચૂંટણીના પરિણામમાં સંપૂર્ણ બાજી પલટાઇ ગઇ છે. દિલ્હીમાં મજબૂત રહેનાર આમ આદમી પાર્ટીને કારમી હારનો સામનો કરવો પડ્યો છે. તો આ તરફ, ભાજપ 27 વર્ષ બાદ દિલ્હીમાં સત્તા ગાદીએ આવશે. આ બધાની વચ્ચે હાર-જીતની પ્રતિક્રિયા અને આરોપ-પ્રતિઆરોપ શરૂ છે. પરંતુ એક પેન્ટીંગે તમામનું ધ્યાન પોતાની તરફ ખેંચ્યુ છે. અને અહંકાર અંગેનું નિવેદન જનતાની વચ્ચે ચર્ચાનું વિષય બન્યુ છે.
સ્વાતિ માલીવાલના વિરોધના સુર
દિલ્હી વિધાનસભા ચૂંટણીના પરિણામમાં ભાજપની જીત વચ્ચે અરવિંદ કેજરીવાલ પર સ્વાતિ માલીવાલે કટાક્ષ કર્યો છે. રાજ્યસભા સાંસદ સ્વાતિ માલીવાલે ટીકા-ટીપ્પણી કરતા કહ્યુ કે, “અહંકાર રાવણ કા ભી નહીં બચા” અને સાથે જ દ્રોપદી ચીર હરણની પેઇન્ટીગ પણ શેયર કરી છે. અરવિંદ કેજરીવાલ અને આમ આદમી પાર્ટી સાથે અસહમત સ્વાતિએ પક્ષ પર ખરાબ વ્યવહારનો આરોપ પણ લગાવ્યો છે. સ્વાતિ માલીવાલે આમ આદમી પાર્ટીની હારનો દોષ તેમના કામકાજ અને અરવિંદ કેજરીવાલના અહંકાર પર લગાવ્યો છે.
દ્રોપદી ચીર હરણની પેઇન્ટીગ પણ શેયર કરી
આમ આદમી પાર્ટીના રાજ્યસભા સાંસદ સ્વાતિ માલીવાલે જ્યારે દ્રોપદી ચીર હરણની પેઇન્ટીગ શેયર કરી ત્યારે ચૂંટણી પંચે દિલ્હીમાં ભાજપની જીતનું એલાન કર્યુ હતુ. સ્વાતિ માલીવાલ, જેમને અરવિંદ કેજરીવાલ અને આમ આદમી પાર્ટી સાથે મતભેદ છે, તેઓ તેમની સાથે થયેલા દુર્વ્યવહાર બદલ પાર્ટીના કટ્ટર ટીકાકાર રહ્યા છે. મે 2024 માં, માલીવાલે કેજરીવાલના ભૂતપૂર્વ સહાયક બિભવ કુમારના હાથે ઉત્પીડનનો આરોપ લગાવતી પોલીસ ફરિયાદ નોંધાવી હતી. એક અલગ પોસ્ટમાં, માલીવાલે અરવિંદ કેજરીવાલ પર પણ છૂપી રીતે કટાક્ષ કર્યો અને તેમના પક્ષના ચૂંટણી પરિણામોના આંકડાઓને ‘રાવણના અહંકાર’ સાથે સરખાવ્યા. X પરના નેટીઝન્સે માલીવાલની પોસ્ટ પર સકારાત્મક પ્રતિક્રિયા આપી, તેમના ઉભા રહેવા બદલ પ્રશંસા કરી અને દાવો કર્યો કે માલીવાલ જ દિલ્હીમાં AAPને હરાવવામાં મદદ કરનાર હતા. “આ કેજરીવાલના ઘમંડની હાર છે,” એક યુઝરે કેજરીવાલનો વીડિયો શેર કરતી વખતે કહ્યું. અન્ય લોકોએ પણ એવું જ કર્યું, કેટલાકે માલીવાલ પ્રત્યે પ્રશંસા વ્યક્ત કરવા માટે મીમ્સનો ઉપયોગ કર્યો.
[ad_2]
Source link
