પેશાવર, તા.૩૦
પાકિસ્તાનના પેશાવરમાં પોલીસ લાઈન મસ્જિદમાં જાેરદાર વિસ્ફોટ થયો છે. પાકિસ્તાની અખબાર ડૉન અનુસાર, પાકિસ્તાનના પેશાવરના પોલીસ લાઇન વિસ્તારમાં સ્થિત એક મસ્જિદમાં નમાજ દરમિયાન વિસ્ફોટ થયો હતો. એક આત્મઘાતી બોમ્બરે ઝુહરની નમાજ પછી પોતાની જાતને ઉડાવી દીધી હતી, જેમાં ૪૬ લોકો માર્યા ગયા હતા અને ૧૦૦થી વધુ ઘાયલ થયા હતા. પાકિસ્તાની અખબાર ડૉન અનુસાર, વિસ્ફોટ સોમવારે બપોરે પેશાવરના પોલીસ લાઇન વિસ્તારમાં થયો હતો. આ બ્લાસ્ટ એક મસ્જિદમાં થયો હતો, જેમાં ઓછામાં ઓછા ૧૦૦થી વધુ લોકો ઘાયલ થયા હતા અને ૪૬ લોકોના મોત થયા હતા. દરમિયાન, એક પોલીસ અધિકારી સિકંદર ખાને જણાવ્યું કે વિસ્ફોટ એટલો જાેરદાર હતો કે ઈમારતનો એક ભાગ ધરાશાયી થઈ ગયો અને ઘણા લોકો તેની નીચે ફસાયા હોવાની આશંકા છે. લેડી રીડિંગ હોસ્પિટલ (એલઆરએસ)ના પ્રવક્તા મોહમ્મદ આસિમના જણાવ્યા અનુસાર ઘાયલોને હોસ્પિટલમાં લઈ જવામાં આવી રહ્યા છે. આસીમે પાકિસ્તાની અખબાર ડૉનને જણાવ્યું કે આ વિસ્તારને સંપૂર્ણપણે સીલ કરી દેવામાં આવ્યો છે અને માત્ર એમ્બ્યુલન્સને જ વિસ્તારમાં પ્રવેશવાની મંજૂરી આપવામાં આવી રહી છે.તે જ સમયે, પાકિસ્તાનના વડા પ્રધાન શેહબાઝ શરીફે પેશાવર વિસ્ફોટની નિંદા કરી છે. તેમણે કહ્યું કે આ ઘટના પાછળ હુમલાખોરોનો ઈસ્લામ સાથે કોઈ સંબંધ નથી. તેમણે કહ્યું કે જેઓ પાકિસ્તાનની સુરક્ષા માટે પોતાની ફરજ બજાવી રહ્યા છે તેમને નિશાન બનાવીને આતંકવાદીઓ ભય પેદા કરવા માગે છે. પીએમએ વધુમાં કહ્યું કે હુમલામાં માર્યા ગયેલા લોકોનું જીવન વ્યર્થ જશે નહીં, તેમણે ઉમેર્યું કે સમગ્ર રાષ્ટ્ર આતંકવાદ સામે એકજુટ છે. તે જ સમયે, ઈમરાન ખાને આતંકવાદી આત્મઘાતી હુમલાની નિંદા કરી હતી અને પીડિતોના પરિવારો પ્રત્યે સંવેદના પણ વ્યક્ત કરી હતી. ઈમરાન ખાને કહ્યું કે તે પેશાવરની પોલીસ લાઈન મસ્જિદમાં ઝુહરની નમાજ દરમિયાન થયેલા આતંકવાદી આત્મઘાતી હુમલાની નિંદા કરે છે. મારી પ્રાર્થના અને સંવેદના પીડિતોના પરિવારો સાથે છે. આતંકવાદના વધતા જતા ખતરાનો સામનો કરવા માટે આપણે આપણી ગુપ્તચર માહિતી એકત્રીકરણમાં સુધારો કરીએ અને આપણા પોલીસ દળોને યોગ્ય રીતે સજ્જ કરીએ તે આવશ્યક છે.મીડિયા અહેવાલમાં જણાવવામાં આવ્યું છે કે વિસ્ફોટ બપોરે ૧ઃ૪૦ વાગ્યે થયો હતો, જ્યારે ઝુહરની નમાઝ અદા કરવામાં આવી રહી હતી. નોંધનીય છે કે ગયા વર્ષે પણ પેશાવરમાં આવી જ એક ઘટના બની હતી, જ્યારે પેશાવરના કોચા રિસાલદાર વિસ્તારમાં એક શિયા મસ્જિદની અંદર આત્મઘાતી વિસ્ફોટમાં ૬૩ લોકોના મોત થયા હતા. પોલીસે ઘટના સ્થળે પહોંચી તપાસ હાથ ધરી છે. વિસ્ફોટને કારણે મસ્જિદનો એક ભાગ ધરાશાયી થયો છે. તેના મલબા નીચે ઘણા લોકો દટાયા હોવાના સમાચાર છે. વિસ્ફોટ બાદ પ્રશાસનની ટીમો ઘટનાસ્થળે પહોંચી ગઈ છે અને બચાવ કામગીરી ચાલી રહી છે. અહેવાલો પરથી મળતી માહિતી અનુસાર ૭૦ લોકોને હોસ્પિટલમાં ખસેડવામાં આવ્યા છે, જેમાંથી ઘણાની લોકોની હાલત ગંભીર છે. હોસ્પિટલની આસપાસનો આખો વિસ્તાર ખાલી કરાવવામાં આવ્યો છે અને ત્યાં માત્ર એમ્બ્યુલન્સને જ આવવાની છૂટ આપી છે.
