સવેરા ગુજરાત,અમદાવાદ, તા.૨૯
પાછલા બે દિવસથી ગુજરાત રાજ્યમાં વાતાવરણમાં પલટો જાેવા મળી રહ્યો છે. ઠંડીનો ચમકારો વધવાની સાથે સાથે રાજ્યના અનેક વિસ્તારોમાં વરસાદ પણ પડ્યો હતો. હવામાન વિભાગ દ્વારા પણ આગાહી કરવામાં આવી હતી કે, ગુજરાતમાં કોલ્ડવેવન સાથે સાથે કમોસમી વરસાદ વરસી શકે છે. સામાન્ય લોકો ભલે આ વરસાદને કારણે ખુશ થતા હોય, પરંતુ ખેડૂતોને પોતાના પાકની ચિંતા સતાવી રહી છે. ઉલ્લેખનીય છે કે માવઠું પાકને નુકસાન પહોંચાડી શકે છે. અમદાવાદ શહેરની વાત કરવામાં આવે તો આજે રવિવારની સવારે શહેરના વિવિધ વિસ્તારોમાં વરસાદ પડ્યો હોવાની જાણકારી મળી રહી છે. શહેરના અનેક વિસ્તારોમાં સવારથી જ ભેજ વાળું વાતાવરણ હતું અને પછી ઝરમર ઝરમર વરસાદ પણ પડ્યો હતો. નરોડા, નિકોલ, ચંડોળા, ઈસનપુર, બાપુનગર, એલિસબ્રિજ, મેઘાણીનગર, મણિનગર, સિંધુ ભવન રોડ સહિત વિવિધ વિસ્તારોમાં મેઘરાજાની સવારી પધારી હતી.માત્ર અમદાવાદ જ નહીં, રાજ્યના અનેક વિસ્તારોમાં કમોસમી વરસાદને કારણે ખેડૂતોની ચિંતા વધી ગઈ છે. ભાવનગર, વડોદરા, આણંદ, મહિસાગર, પંચમહાલ, અરવલ્લી, દાહોદ વગેરે સ્થળોએ પણ વરસાદ પડ્યો હોવાની જાણકારી મળી રહી છે. દક્ષિણ ગુજરાતના વિવિધ ગામમાં પણ ચોમાસાની જેમ જ ઓછા-વત્તા પ્રમાણમાં વરસાદ જાેવા મળ્યો હતો. ઘણાં વિસ્તારો એવા છે જ્યાં વરસાદ નથી પરંતુ વાદળછાયું વાતાવરણ જાેવા મળી રહ્યું છે.ભર શિયાળે આ પ્રકારે વરસાદ પડતા ખેડૂતોને પાક બગડવાની ચિંતા સતાવી રહી છે. ઉલ્લેખનીય છે કે હવામાન વિભાગે માછીમારોને પણ ૨૪ કલાક દરિયો ન ખેડવાની સૂચના આપી છે. કમોસમી વરસાદની સાથે ઠંડીનો ચમકારો પણ યથાવત્ત રહેશે. ખાસકરીને રાજકોટ, પોરબંદર, ગીર સોમનાથમાં કોલ્વેવની આગાહી કરવામાં આવી છે. સોશિયલ મીડિયા પર પણ ગુજરાતીઓ આ વાતાવરણના સંદર્ભમાં પોતાની પ્રતિક્રિયા આપી રહ્યા છે. એક વર્ગ આ પ્રકારના વાતાવરણની મજા માણી રહ્યો છે જ્યારે ઘણાં લોકો ખેડૂતો માટે ચિંતા વ્યક્ત કરી રહ્યા છે.
