નવી દિલ્હી તા.૨૭
કેન્દ્રીય તપાસ એજન્સી (CBI)એ બુધવારે મોટી કાર્યવાહી કરતા લાલુ યાદવના પૂર્વ OSD ભોલા યાદવની ધરપકડ કરી છે. કહેવામાં આવી રહ્યું છે કે આ ધરપકડ રેલવે ભરતી કૌભાંડ સાથે જોડાયેલા એક કેસમાં કરવામાં આવી છે. એટલું જ નહીં CBIએ બિહારના પટના અને દરભંગામાં ચાર સ્થળો પર દરોડા પાડ્યા છે.ભોલા યાદવ 2004 થી 2009 સુધી લાલુ યાદવના ઓએસડી હતા. તે સમયે લાલુ યાદવ કેન્દ્રીય રેલવે મંત્રી હતા. આ સાથે જ રેલવેમાં ભરતી કૌભાંડ સામે આવ્યું હતું. આરોપ છે કે ભોલા યાદવ આ કૌભાંડનો કથિત સૂત્રધાર છે.વાસ્તવમાં આ મામલો ભરતી કૌભાંડ સાથે જોડાયેલો છે. આરોપ છે કે લાલુ યાદવ જ્યારે રેલવે મંત્રી હતા ત્યારે નોકરી અપાવવાના બદલામાં જમીન અને પ્લોટ લેવામાં આવ્યા હતા. આ મામલામાં તપાસ કર્યા બાદ સીબીઆઈએ લાલુ યાદવ, રાબડી દેવી, મીસા યાદવ, હેમા યાદવ અને એવા કેટલાક ઉમેદવારો સામે કેસ નોંધ્યો છે જેમને પ્લોટ અથવા પ્રોપર્ટીના બદલામાં નોકરી આપવામાં આવી હતી.