એસ.એન.વી એવિએશન પ્રા. લિમિટેડને સિવિલ એવિએશન મંત્રાલય દ્વારા નો ઓબ્જેક્શન સર્ટિફિકેટ આપવામાં આવ્યું છે.
માર્કેટ કિંગ રાકેશ ઝુનઝુનવાલા ભારતીય શેરબજારના વોરેન બફેટ તરીકે ઓળખાતી અકાસા એરને કેન્દ્ર સરકારે મંજૂરી આપી દીધી છે. અકાસા એરની 2022 ના ઉનાળામાં એરલાઇન સેવા શરૂ કરવાની છે. SNV એવિએશન પ્રાઇવેટ લિમિટેડ, જે અકાસા બ્રાન્ડ નામ હેઠળ ભારતીય ઉડ્ડયન ક્ષેત્રમાં પ્રવેશ કરી રહી છે, તેને નાગરિક ઉડ્ડયન મંત્રાલય દ્વારા નો ઓબ્જેક્શન સર્ટિફિકેટ આપવામાં આવ્યું છે.
અત્યાર સુધી આકાસા એરલાઈન વિશે કોઈ વિગતો જાહેર કરવામાં આવી નથી. પરંતુ એવું માનવામાં આવે છે કે આ એરલાઇનનું ભાડું અન્ય એરલાઇન્સ કરતા ઘણું સસ્તું હશે. અને રાકેશ ઝુનઝુનવાલાનું એરલાઇનમાં રોકાણ લગભગ 247.50 કરોડ રૂપિયા અથવા 40 ટકા જેટલું હોઈ શકે છે. જોકે, અકાસા એરનાં સીઈઓ વિનય દુબેએ કહ્યું કે, અકાસા એર ભારતીયો માટે દેશની સૌથી ભરોસાપાત્ર, સસ્તું અને ગ્રીનેસ્ટ એરલાઈન લોન્ચ કરશે.
લો કોસ્ટ કેરિયર એક નો ફ્રિલ્સ એરલાઈન્સ હોય છે, એટલે કે તેમાં ઈન ફ્લાઇટમાં મનોરંજન, ખોરાક અને પીણાં તેમજ બિઝનેસ ક્લાસ બેઠક નહીં હોય. અગાઉ, ભારતીય સેનામાંથી નિવૃત્ત થયા બાદ, કેપ્ટન જીઆર ગોપીનાથે 2003 માં એર ડેક્કન શરૂ કરી હતી. અને તે ભારતની પ્રથમ ઓછી કિંમતની એરલાઇન પણ હતી. ડેક્કનનું ભાડું અન્ય એરલાઇન્સ કરતા અડધું હતું. જોકે, 2007 માં ગોપીનાથે વિજય માલ્યાને એરલાઇન વેચી દીધી હતી. અને કંપની 2011 માં બંધ થઈ ગઈ હતી.
એવું પણ જાણવા મળ્યું છે કે રાકેશ ઝુનઝુનવાલાએ પહેલા હપ્તામાં 43.75 કરોડનું રોકાણ કર્યું છે. અને આ રોકાણ રાકેશ ઝુનઝુનવાલા દ્વારા કરવામાં આવ્યું છે. આ ઉપરાંત, દુબઇ સ્થિત રોકાણકાર અને ન્યૂ હોરાઇઝન ઇન્વેસ્ટમેન્ટ ફંડના સ્થાપક માધવ ભટકુલીએ અકાસા એરમાં 17 ટકા માટે 6.24 કરોડ રૂપિયાનું રોકાણ કર્યું છે.
