કાજુ ઘણા લોકોના ઘરમાં હોય છે. મીઠાઈ અને શાકની ગ્રેવીને સ્વાદિષ્ટ બનાવવા માટે કાજુનો વ્યાપક ઉપયોગ કરવામાં આવે છે. પરંતુ ખૂબ ઓછા લોકો તેનું નિયમિત સેવન કરે છે. સૂકા મેવાનો રાજા કહેવાતા કાજુ તમારા સ્વાસ્થ્ય માટે અનેક રીતે ફાયદાકારક છે. કાજુ પોષકતત્વોના પાવર હાઉસ સમાન છે. તેમાં અનેક વિટામિન્સ અને મિનરલ્સ મળે છે. કાજુને ઉર્જાનો સારો સ્ત્રોત માનવામાં આવે છે. તે ખાવાથી સ્વાસ્થ્યને નુકસાન થતું નથી, પરંતુ વધુ પ્રમાણમાં સેવન ન કરવું જોઈએ. ત્યારે સ્વાદ સાથે સ્વાસ્થ્ય માટે પણ લાજવાબ કાજુથી થતા ફાયદા અંગે અહીં જાણકારી આપવામાં આવી છે.
1) પાચન
કાજુમાં રહેલા એન્ટીઓક્સીડેન્ટ પાચનને મજબૂત બનાવે છે તેમજ વજનને સંતુલિત કરે છે. કાજુ ખાવાથી ગેસ અને કબજિયાતની સમસ્યાથી રાહત થઈ શકે છે. કાજુને પાચન માટે એકદમ ફાયદાકારક માનવામાં આવે છે.
2) ડાયાબીટીસ
હાલ અનિયમિત આહાર અને બિનઆરોગ્યપ્રદ જીવનશૈલીને કારણે લોકો ડાયાબિટીસથી પીડાઈ રહ્યા છે. ડાયાબિટીસના દર્દીઓને હાર્ટ એટેક, કિડની ફેલ થવા, મલ્ટિપલ ઓર્ગન ફેલિંગ અને બ્રેઇન સ્ટ્રોક જેવી અન્ય ગંભીર અને જીવલેણ સ્વાસ્થ્ય સમસ્યાઓની દહેશત હોય છે. તેથી આરોગ્ય નિષ્ણાંતો ડાયાબિટીસના દર્દીઓને ખોરાકની વિશેષ કાળજી લેવાની સલાહ આપે છે. તેમના મત મુજબ ડાયાબિટીસના દર્દીઓ માટે કાજુનું સેવન કરવું ખૂબ ફાયદાકારક છે. કાજુમાં રહેલા પોષક તત્વો લોહીમાં ગ્લુકોઝના ઓછું કરવામાં મદદ કરે છે. ડાયાબિટીસના દર્દીઓ તેમના ડાયટમાં કાજુનો સમાવેશ કરી શકે છે.
3) હૃદય
દરરોજ ત્રણથી ચાર કાજુ ખાવાથી કોલેસ્ટ્રોલના સ્તરને નિયંત્રિત કરી શકાય છે. મર્યાદિત પ્રમાણમાં કાજુ ખાવું વધુ સારું છે. કાજુ લો ડેન્સીટી લિપોપ્રોટીનને ઘટાડવામાં મદદ કરે છે અને હાઈ ડેન્સીટી લિપોપ્રોટીનમાં વધારો કરી શકે છે.
4) વજન ઘટાડવા
કાજુમાં રહેલા મેગ્નેશિયમ અને ફાઇબર શરીરમાં ચરબી અને કાર્બોહાઇડ્રેટનું મેટાબોલિઝમ વધારે છે. જે વજન ઘટાડવામાં મદદ કરે છે.
5) ત્વચા
કાજુથી ત્વચના ફાયદો થઈ શકે છે. કાજુમાંથી કાઢવામાં આવેલો તેલ ત્વચા માટે ફાયદાકારક સાબિત થઈ શકે છે. કાજુના તેલમાં ઝિંક, મેગ્નેશિયમ, આયર્ન, સેલેનિયમ અને ફોસ્ફરસ ભરપૂર હોય છે. તે ત્વચાની કરચલીઓને દૂર કરવામાં પણ મદદ કરી શકે છે.
6) હાડકા
કાજુમાં ભરપૂર કેલ્શિયમ હોય છે. તે હાડકાંને મજબૂત બનાવવામાં મદદ કરે છે.જેથી સુપરફૂડ ગણાતા કાજુને લોકો તેમના આહારમાં શામેલ કરી શકે છે
7)આંખો
કાજુનું સેવન કરીને આંખની દૃષ્ટિ વધારી શકાય છે. કાજુમાં લ્યુટિન અને અન્ય મહત્વપૂર્ણ એન્ટિઓક્સિડન્ટ્સ ઉચ્ચ પ્રમાણમાં હોય છે. જે આંખો માટે ખૂબ ફાયદાકારક છે.