નવી દિલ્હી: દેશમાં ઈઝ ઓફ ડુઈંગ બીઝનેસની પ્રક્રિયામાં આગળ વધતા મોદી સરકારે હવે વ્યાપાર-ઉદ્યોગની આમ આદમી માટે કેવાયસી (નો-યોર-કસ્ટમર્સ) યોજનાને સરળ કરવાની જાહેરાત કરી છે.
જેમાં હવે વિડીયો કોલીંગથી પણ કેવાયસી માન્ય રહેશે. નાણામંત્રીએ જાહેર કર્યુ કે વ્યાપાર-ઉદ્યોગ માટે મલ્ટીપલ- ઓળખપત્રના બદલે હવે પરમેનન્ટ એકાઉન્ટ નંબર (પાન)ને વ્યાપાર ઉદ્યોગના આઈડી તરીકે માન્ય રખાશે. જે સરકાર તથા અન્ય તમામ સ્થળોએ માન્ય રહેશે.
આજ રીતે દેશમાં ડી.જી. લોકર- ડીજીટલ લોકરનો વ્યાપ વધારશે. જે વ્યક્તિગત ધોરણે હશે અને વધુને વધુ દસ્તાવેજો ડીજી લોકરમાં સમાવાશે જેથી પેપર- એડીશનની જરૂર રહેશે નહી અને આધારકાર્ડ એ ડીજી લોકર માટે માન્ય ગણાશે.
