ગીર સોમનાથની મનીષાએ બેંગકોકમાં કીક બોક્સીંગ ચેમ્પીયનશીપમાં બે મેડલ જીત્યા

સવેરા ગુજરાત રાજકોટ, તા.23 

ગુજરાતની પ્રથમ મહિલા કિક બોક્સર, એશિયન કિકબોક્સિંગ ચેમ્પિયનશિપ્સમાં બે મેડલ જીત્યા છે. તાજેતરમાં તેણીએ બીજી ઇન્ડિયન ઓપન ઇન્ટરનેશનલમાં ભારતનું પ્રતિનિધિત્વ કર્યું હતું અને ગોલ્ડ મેડલ મેળવ્યો હતો. ગીરસોમનાથ જિલ્લાના પ્રાચીબેન જગદીશ ભાઈ વાળાની પુત્રી મનીષાએ તાજેતરમાં થાઈલેન્ડના બેંગકોકમાં એશિયન ચેમ્પિયનશિપમાં ભારતનું પ્રતિનિધિત્વ કર્યું હતું.આ સ્પોર્ટસ ઈવેન્ટનું આયોજન 10 થી 19 ડિસેમ્બર 2022 દરમિયાન કરવામાં આવ્યું હતું. આ ઈવેન્ટમાં 20 દેશોના 500 ખેલાડીઓએ ભાગ લીધો હતો. મનીષાએ ઉઝબેકિસ્તાન, ઈરાન અને થાઈલેન્ડ સામે રમીને 2 બ્રોન્ઝ મેડલ મેળવ્યા હતા. તાજેતરમાં તેણીએ બીજી ઇન્ડિયન ઓપન ઇન્ટરનેશનલમાં ભારતનું પ્રતિનિધિત્વ કર્યું હતુંજે 2 થી 6 નવેમ્બર, 2022 દરમિયાન દિલ્હીના તાલકટોરા ઇન્ડોર સ્ટેડિયમમાં યોજાઇ હતી અને ગોલ્ડ મેડલ મેળવ્યો હતો. આ સ્પર્ધામાં ભારતની સાથે દક્ષિણ કોરિયા, ઉઝબેકિસ્તાન, જોર્ડન વગેરે જેવા ઘણા દેશોના ખેલાડીઓએ ભાગ લીધો હતો. મનીષાને તાજેતરના ભૂતકાળમાં ગુજરાત માનવ રત્ન એવોર્ડ એનાયત કરવામાં આવ્યો છે. તે હવે વિશ્ર્વ ઓલિમ્પિક રમતોની તૈયારી કરી રહી છે.