સવેરા ગુજરાત/મુંબઇ, તા.5
મુંબઇ શેરબજારમાં આજે તેજીને બ્રેક લાગી હતી અને ઉછાળે નફારૂપી વેચવાલી નીકળતા મંદીનો આંચકો અનુભવાયો હતો. સેન્સેકસમાં 300 પોઇન્ટનું ગાબડુ પડયું હતું. જોકે અદાણી ગ્રુપના શેરો સતત ઉંચકાતા રહ્યા હતા. શેરબજારમાં આજે વિશ્ર્વ બજારના પ્રોત્સાહક ટ્રેન્ડ પાછળ શરૂઆત તેજીના ટોને થઇ હતી પરંતુ ઉછાળે નફારૂપી વેચવાલી આવવાના કારણે તથા એચડીએફસી ગ્રુપના શેરોમાં ઘટાડો નોંધાતા માર્કેટ પણ રેડ ઝોનમાં સરકી ગયું હતું.પેટ્રોલ-ડિઝલના સતત ભાવ વધારાના કારણે મોંઘવારીનો માર તથા સપ્તાહના અંતે રીઝર્વ બેંકની વ્યાજદરની સમીક્ષા જેવા તારણો પર નજર હોવાથી ઉંચામાં સાવચેતી રાખવાનું વલણ જણાયું હતું. શેરબ્રોકરોના કહેવા પ્રમાણે સોમવારની તેજી મુખ્યત્વે એચડીએફસી ગ્રુપના ઉછાળા પાછળ હતી. આજે ગ્રુપના શેરો નબળા પડયા એટલે ઇન્ડેક્ષ પર પણ દબાણ આવ્યું હતું. હેવીવેઇટ શેરો નબળા હોવા છતાં રોકડાના શેરોમાં આકર્ષણ હતું.શેરબજારમાં આજે અદાણી ગ્રુપના શેરોમાં ચમક યથાવત હતી. અદાણી પોર્ટ, અદાણી પાવર, અદાણી વિલમર સહિતના શેરોમાં ઉછાળો હતો. આ સિવાય એનટીપીસી, પાવર ગ્રીડ, ટાટા મોટર્સ, ટાટા પાવર્સ, ટાઇટન, એશીયન પેઇન્ટસ, એચસીએલ ટેકનો., હિન્દ લીવર, નેસ્લે વગેરેમાં સુધારો હતો. એચડીએફસી બેંક, બજાજ ફિન્સ સર્વિસ, એચડીએફસી, કોટક મહિન્દ્રા, એસબીઆઇ કાર્ડ, ઇન્ફોસીસ વગેરે ઘટયા હતા.મુંબઇ શેરબજારનો સેન્સેટીવ ઇન્ડેક્ષ ર80 પોઇન્ટના ઘટાડાથી 60330 હતો. જે ઉંચામાં 60786 તથા નીચામાં 60227 હતો. નેશનલ સ્ટોક એકસચેંજનો નિફટી પર પોઇન્ટ પટીને 18001 હતો જે ઉંચામાં 1809પ તથા નીચામાં 17961 હતો.
