મુખ્યમંત્રી ભૂપેન્દ્ર પટેલ સંત રોહિદાસની ૬૪પમી જન્મ જયંતિ ઉજવણીમાં સહભાગી થતાં સ્પષ્ટપણે જણાવ્યું કે સૌ સમાજ એક બની વિકાસ રાહે એક સાથે આગળ વધે તે રાજ્ય સરકારની કટિબદ્ધતા છે.
મુખ્યમંત્રીએ કહ્યું કે, કોઇ પણ સમાજના બહુઆયામી વિકાસ માટે શિક્ષણ ખૂબ જ જરૂરી છે. રાજ્ય સરકાર શિક્ષણ જેવી પાયાની સુવિધા હરેક સમાજવર્ગોને પહોચાડવા તેમની પડખે છે. શિક્ષણ થકી જ સમાજ સમાજ વચ્ચેનું અંતર ઘટશે અને એક સમરસ રાષ્ટ્રની વિભાવના સાકાર થશે તેમ તેમણે ઉમેર્યું હતું.
સંત રોહીદાસજીએ દરેક સમાજ એક થાય અને કુરિવાજોમાંથી બહાર આવે તે માટે અથાક પ્રયત્નો કર્યા છે. આપણા વડાપ્રધાન નરેન્દ્રભાઇ મોદીના મંત્ર ‘સૌનો સાથ સૌનો વિકાસ’ માં પણ સંત રોહીદાસજીના વિચારોનું પ્રતિબિંબ પડે છે તેનો તેમણે ઉલ્લેખ કર્યો હતો.
સૌ સમાજ એક બની વિકાસ રાહે એક સાથે આગળ વધે તે માટે
રાજ્ય સરકાર કટિબદ્ધ : મુખ્યમંત્રી
આ કાર્યક્રમમાં પૂર્વ મંત્રી આત્મારામભાઈ પરમાર, ગાંધીનગરના મેયર હિતેશભાઈ મકવાણા, ધારા સભ્ય સી.જે.ચાવડા અને સંત રોહીદાસ સમાજના લોકો ઉપસ્થિત રહ્યા હતા.
