તાજેતરમાં, ફેસબુક, ઇન્સ્ટાગ્રામ અને વોટ્સએપની સેવા ડાઉન થઈ હતી. Gmailની સર્વિસ કામ નથી કરી રહી. ભારતના ઘણા ભાગોમાં, લોકો Google ની મફત ઇમેઇલ સર્વિસને એક્સેસ નથી કરી રહ્યા. Gmail વપરાશકર્તાઓ મેઇલ પણ મોકલી શકતા નથી અને મેઇલ મળી પણ શકતો નથી.
ઈન્ટરનેટ સર્વિસ આઉટેજ પર નજર રાખતી સાઇટ ડાઉન ડિટેક્ટરના જણાવ્યા અનુસાર 68 ટકા લોકોને વેબસાઈટ એક્સેસ કરવામાં મુશ્કેલી આવી રહી છે. 18% વપરાશકર્તાઓએ સર્વર કનેક્શનનો રિપોર્ટ કર્યો, જ્યારે 14% વપરાશકર્તાઓને લોગિનની સમસ્યા આવી રહી છે.
તેને લઇ લોકો ટ્વિટર પર પણ રિપોર્ટ કરી રહ્યા છે. લોકો #gmaildown સાથે ટ્વીટ કરી રહ્યા છે. કંપનીએ હજુ સુધી આઉટેજનું કારણ જણાવ્યું નથી. ભારતના ઘણા ભાગોમાં વપરાશકર્તાઓ Gmail ડાઉન વિશે ફરિયાદ કરી રહ્યા છે.
તાજેતરમાં, સોશિયલ મીડિયા દિગ્ગજ ફેસબુક પણ આઉટેજનો શિકાર બન્યું હતું. ફેસબુકની સાથે સાથે વોટ્સએપ અને ઇન્સ્ટાગ્રામ પણ 6 કલાકથી વધુ સમય માટે ડાઉન રહ્યા હતા. ગયા અઠવાડિયે આ એપ્સ બે વાર ડાઉન થઈ ગઈ.
