ટી 20 વર્લ્ડ કપ 2021 17 ઓક્ટોબરથી શરૂ થવાનો છે. રસપ્રદ વાત એ છે કે ભારત અને પાકિસ્તાન એક જ ગ્રુપમાં છે. ભારત અને પાકિસ્તાન વચ્ચે ટી -20 વર્લ્ડ કપ મુકાબલો 24 ઓક્ટોબરે રમાશે. ભારત આ વર્ષે ટી 20 વર્લ્ડ કપ જીતવા અને પાકિસ્તાન સામે પણ જીતવા મજબૂત દાવેદાર માનવામાં આવે છે. ભારત-પાકિસ્તાન મેચને લઈને દર્શકો ખૂબ ઉત્સાહિત છે. આઈસીસીએ 70 ટકા દર્શકોને સ્ટેડિયમમાં પ્રવેશવાની પણ મંજૂરી આપી છે.
ક્રિકેટ ચાહકોને ભારત અને પાકિસ્તાન વચ્ચેની મેચ માટે લાખો રૂપિયા ખર્ચવા પડશે. મેચની ટિકિટ 333 ગણી મોંઘી વેચાઈ રહી છે. ભારત અને પાકિસ્તાન વચ્ચેની મેચની ટિકિટ 2 લાખ રૂપિયા સુધી પહોંચી ગઈ છે. સૌથી મોંઘી ટિકિટની કિંમત લગભગ 2 લાખ રૂપિયા છે, જે સામાન્ય કરતાં લગભગ 333 ગણી વધુ ખર્ચાળ છે. જુદા જુદા સ્ટેન્ડના અલગ અલગ ભાવ હોય છે. શરૂઆતી ટિકિટ 12,500 રૂપિયામાં ઉપલબ્ધ છે. આ સિવાય ચાહકો પ્રિમિયમ અને પ્લેટિનમ ટિકિટો 31,200 અને 54,100 રૂપિયામાં ખરીદી શકે છે. આ ત્રણ કેટેગરીની ટિકિટ લગભગ ખતમ થઈ ગઈ છે.
ટુર્નામેન્ટ 17 ઓક્ટોબરે શરૂ થશે અને ફાઇનલ 14 નવેમ્બરે રમાશે. સ્કાય બોક્સ અને વીઆઇપી બોક્સની કિંમત સત્તાવાર વેબસાઇટ પર હજુ બતાવવામાં આવી નથી, પરંતુ 31 ઓક્ટોબરે ભારત અને ન્યૂઝીલેન્ડ વચ્ચેની મેચ માટે વીઆઇપી સ્યુટ જેની કિંમત 1 લાખ 96 હજાર રૂપિયા છે. આવા સંજોગોમાં ભારત અને પાકિસ્તાન વચ્ચેની મેચની ટિકિટ વધુ મોંઘી થવાની શક્યતા છે. કારણ કે ભારત અને ન્યૂઝીલેન્ડ વચ્ચેની મેચ માટે સૌથી ઓછી કિંમતની ટિકિટ 10,400 રૂપિયામાં ઉપલબ્ધ છે.
ટી -20 વર્લ્ડ કપની વાત કરીએ તો પાકિસ્તાન સામે ભારતનો રેકોર્ડ ઘણો સારો છે. ભારત અને પાકિસ્તાને ટી 20 વર્લ્ડ કપમાં અત્યાર સુધીમાં પાંચ મેચ રમી છે, જેમાંથી ટીમ ઇન્ડિયાએ તમામ પાંચ મેચ જીતી છે. છેલ્લી વખત ટીમ ઇન્ડિયાએ 2016 ના વર્લ્ડ કપમાં પાકિસ્તાનને 6 વિકેટે હરાવ્યું હતું. પ્રથમ બેટિંગ કરતા પાકિસ્તાને પાંચ વિકેટે 118 રન બનાવ્યા હતા. જવાબમાં ટીમ ઈન્ડિયાએ 4 વિકેટ ગુમાવી લક્ષ્યાંક હાંસલ કર્યો હતો. ભારત અને પાકિસ્તાન ટી 20 વર્લ્ડ કપ 2021 માં 24 ઓક્ટોબરે સામસામે જોવા મળશે. તમને જણાવી દઈએ કે, ટી 20 વર્લ્ડ કપમાં ભારત અને પાકિસ્તાનને એક જ ગ્રુપમાં રાખવામાં આવ્યા છે. ટી -20 વર્લ્ડ કપમાં પાકિસ્તાન સામે ભારતનો જીતનો રેકોર્ડ 5-0 છે. એક જ ગ્રુપમાં ભારત અને પાકિસ્તાન સાથે હોવાથી, ફરી એકવાર બંને દેશો વચ્ચે રોમાંચક મુકાબલો થશે.
