ગાંધીનગર મહાનગરપાલિકાની ચૂંટણીને કારણે ગુજરાતનું રાજકારણ ગરમાયું છે. ગાંધીનગર મનપા ચૂંટણીને લઈને દરેક પાર્ટી છેલ્લી ઘડીએ પોતાની પડઘમ બતાવી રહી છે. જ્યારે ભાજપે પેથાપુરથી કુંડાસણ સુધી રોડ શોનું આયોજન કર્યું છે.
ભાજપ દ્વારા આયોજિત રોડ શોમાં મોટી સંખ્યામાં યુવા મોરચાના કાર્યકરો બાઇક રેલીમાં જોડાયા છે. ભાજપ ચૂંટણી પ્રચારના અંતિમ તબક્કામાં રોડ શો દ્વારા શક્તિપ્રદર્શન બતાવી રહ્યું છે. ભાજપ 44 બેઠકો માટે ચૂંટણી પ્રચારના અંતિમ તબક્કાનો રોડ શો છે.
ભાજપ દ્વારા ચૂંટણી પ્રચારનો આ છેલ્લો તબક્કો છે. પેથાપુર ખાતે મહારાણા પ્રતિમાને પુષ્પાંજલી અર્પણ કરીને રોડ શો શરૂ કરવામાં આવ્યો છે. ભાજપ પ્રમુખ સી.આર.પાટીલ, પૂર્વ મંત્રી ભૂપેન્દ્રસિંહ ચુડાસમા, રાષ્ટ્રીય મહામંત્રી શભુનાથ ટુડિયા, કેબિનેટ મંત્રી અર્જુન સિંહ પેથાપુર પહોંચ્યા છે. પેથાપુરથી કુડાસણ સુધીના રોડ શોમાં મોટી સંખ્યામાં ભાજપના કાર્યકરો અને નેતાઓ જોડાયા છે.
