કોરોનાના ત્રીજા મોજાને અંકુશમાં રાખવા અને વાયરસના ફેલાવાને રોકવા માટે અમદાવાદ શહેરમાં સિસ્ટમ કડક કરવામાં આવી છે. નો-વેક્સીન-નો-એન્ટ્રી નિયમ લાગુ થયા બાદ તમામ ઝોનલ ઓફિસ, વોર્ડ ઓફિસ, મ્યુનિસિપલ કોર્પોરેશનના સ્ટેશન તેમજ AMTS અને BRTS તથા ખાનગી સુરક્ષા કર્મચારીઓ બીઆરટીએસ સ્ટેશન સહિતના સ્થળે વહેલી સવારથી ફરજ પર હતા.
બીજી બાજુ, હોટેલ અને રેસ્ટોરન્ટમાં રસીકરણ ફરજિયાત બનાવવા માટેના પત્ર સહિત તંત્રને કડક કરવામાં આવ્યું છે. તેમાં ઉલ્લેખ કરવામાં આવ્યો છે કે હોટેલ અને રેસ્ટોરન્ટ એસોસિએશને તમામ હોટલ માલિકોને સ્પષ્ટપણે સૂચના આપી છે કે જે નાગરિકોએ રસીનો પ્રથમ કે બીજો ડોઝ લીધો નથી તેમને પ્રવેશ ન આપવો, બીજી બાજુ, જો હોટેલ અથવા રેસ્ટોરન્ટમાં ગ્રાહકો આવતા હોય તો રસીનું પ્રમાણપત્ર તપાસ કરવા માટે કડક સૂચનાઓ પણ આપવામાં આવી છે.
આ સૂચના સાથે, જો તમને હોટલ અથવા રેસ્ટોરન્ટમાં જવાનું મન થાય, તો તમારે પહેલા રસી લીધેલી હોવી જોઈશે, નહીં તો તમને પ્રવેશ મળશે નહીં. આનો અર્થ એ છે કે જો તમારે ખાવા માટે હોટલ અથવા રેસ્ટોરન્ટમાં જવું હોય તો તમારે રસીકરણનું પ્રમાણપત્ર બતાવવું પડશે. આ નિયમ શુક્રવારથી અમલમાં આવશે.
અમદાવાદ શહેરના સાત ઝોનમાં આવેલા નાના-મોટા ૨૮૩ બગીચાઓમાં પણ સવારથી વેકિસન ન લીધી હોય એવા લોકોની તપાસ કરાઈ હતી. પાર્કસ એન્ડ ગાર્ડન ડીરેકટરના (Mr. Jignesh B. Patel) કહેવા પ્રમાણે ,શહેરમાંથી પચાસથી વધુ લોકો વેકિસન લીધા વગરના હોવાની બાબત ધ્યાન ઉપર આવતા તમામને વેકિસન લઈ પ્રવેશ મેળવવા સુચના આપવામાં આવી હતી.
