દેશભરમાં નવરાત્રીનો પર્વ લોકો મનાવી રહ્યા છે. નવરાત્રીમાં ભક્તો માતાજીની પૂજા અર્ચના સાથે ઉમંગ અને ઉત્સાહથી ઉજવણી કરે છે. આ સાથે જ અનેક યંગસ્ટર્સ તહેવારની ઉજવણી દરમિયાનની યાદગીરીની પળો કેમેરામાં કેપ્ચર કરતા હોય છે અને સોશિયલ મીડિયા પર શેર કરતા રહે છે.
View this post on Instagram
વાત, બોલીવુડની કરીએ તો, મોડલ-એક્ટ્રેસ ઉર્વશી રૌતેલા નવરાત્રીના પ્રથમ નોરતે ઉત્તરાખંડના જોશીમઠ પહોંચી હતી અને ત્યાં તેણે સેવા પૂજા કરી હતી. તેણે મંદિરની પાસે આવેલા પહાડોનું સૌન્દર્ય માણ્યું હતું અને તેની આ ટ્રીપના ફોટા તેણે સોશિયલ મીડિયા પ્લેટફોર્મ પર શેર કર્યા હતા. જેમાં તે આધ્યાત્મિક મૂડમાં પિંક ડ્રેસમાં પૂજાની થાળી સાથે જોવા મળી હતી. ફોટો શેર કરવાની સાથે ઉર્વશીએ લખ્યું હતું કે, ‘ દરેકને નવરાત્રીની શુભકામના. આપણે સૌ માતાજીને પ્રાર્થના કરીએ કે બધા લોકોને સુખ શાંતિ મળે અને ઈચ્છાઓ પૂરી થાય. સૌના પરિવારને હેપ્પી નવરાત્રી.’