સવેરા ગુજરાત,મુંબઈ, તા.૧૫
મિશ્ર વૈશ્વિક સંકેતો વચ્ચે બુધવારે ભારતીય સ્થાનિક શેરબજાર ઘટાડા સાથે બંધ થયું હતું. સેન્સેક્સ સતત ૫મા દિવસે ૩૪૪ પોઈન્ટ ઘટીને બંધ રહ્યો હતો. જ્યારે નિફ્ટી ૧૭ હજારની નીચે સરકી ગયો હતો. રિલાયન્સ, ભારતી એરટેલ, ટાટા મોટર્સ, મહિન્દ્રા એન્ડ મહિન્દ્રાના શેરમાં ઘટાડો થયો હતો. જ્યારે અદાણીના શેર્સ ચોથા દિવસે ઘટાડાને રોકવામાં સફળ રહ્યા છે, જે લીલા નિશાન પર મજબૂત છે. બુધવારે વહેલી સવારે, હકારાત્મક વૈશ્વિક સંકેતોથી પ્રોત્સાહિત, ભારતીય ઇક્વિટી બજાર મજબૂત નોંધ પર ખુલ્યું અને શરૂઆતના વેપારમાં સેન્સેક્સ ૪૪૦ પોઇન્ટ ઉછળ્યો.બુધવારે બીએસઈ ના ૩૦ શેરો વાળા પ્રમુખ ઈન્ડેક્સ સેન્સેક્સ ૩૪૪.૨૯ પોઈન્ટ અથવા ૦.૫૯ ટકા ઘટીને ૫૭,૫૫૫.૯૦ ના સ્તર પર બંધ થયા છે. જ્યારે એનએસઈ નિફ્ટી ૭૧.૧૫ પોઈન્ટ અથવા ૦.૪૨ ટકાના ઘટાડા સાથે ૧૭,૧૫૨.૯૦ પર બંધ થયો હતો. સેન્સેક્સમાં લિસ્ટેડ ૩૦માંથી ૨૧ શેર લાલ નિશાન સાથે બંધ થયા હતા.રિલાયન્સ, ઈન્ડસઈન્ડ બેંકના શેર ટોપ લુઝર્સમાં હતા. બુધવારે ઇન્ડસઇન્ડ બેન્કના શેરમાં ૧.૯૨ ટકાનો ઘટાડો થયો હતો અને શેર દીઠ ભાવ રૂ. ૧૦૪૩.૫૦ હતો. ભારતી એરટેલના શેરમાં ૧.૮૩ ટકાનો ઘટાડો થયો હતો અને શેર દીઠ ભાવ રૂ. ૭૫૭.૭૦ રહ્યો હતો. જ્યારે રિલાયન્સનો શેર પણ ૧.૬૯ ટકા ઘટીને રૂ. ૨૨૩૮ પ્રતિ શેર બંધ રહ્યો હતો. આ સિવાય હિન્દુસ્તાન યુનિલિવર, એક્સિસ બેંક, એસબીઆઈ, એચડીએફસી, ટાટા મોટર્સ, મહિન્દ્રા એન્ડ મહિન્દ્રા સહિતના ઘણા શેર ઘટ્યા હતા.બુધવારે નબળા બજાર છતાં કેટલાક શેરોમાં તેજી જાેવા મળી હતી. એશિયન પેઇન્ટ્સનો શેર રૂ. ૮૫.૫૦ અથવા ૩.૦૯ ટકાના વધારા સાથે રૂ. ૮૪.૮૫ પર બંધ થયો હતો. એ જ રીતે અદાણી એન્ટરપ્રાઈઝના શેરમાં પણ ઘણા દિવસો પછી મજબૂતી જાેવા મળી હતી. અદાણી એન્ટરપ્રાઇઝિસના શેરની કિંમત રૂ. ૯૯.૮૦ અથવા ૫.૭૪ ટકાના વધારા સાથે શેર દીઠ રૂ. ૧,૮૩૮.૦૦ હતી. એ જ રીતે ટાટા સ્ટીલના શેરમાં ૨.૦૨ ટકા અને ટાઇટનના શેરમાં પણ ૧.૯૩ ટકાનો વધારો થયો હતો. લાર્સન એન્ડ ટર્બો, પાવરગ્રીડ, કોટક મહિન્દ્રા, અલ્ટ્રાટેક સિમેન્ટ, ઈન્ફોસીસ અને બજાજ ફિનસર્વના શેરો મજબૂત રીતે લીલા રંગમાં બંધ થયા હતા.
previous post