સવેરા ગુજરાત, અમદાવાદ તા. ૨૭
રાજ્ય સરકારના શિક્ષણ વિભાગની મહત્વની જાહેરાત કરવામાં આવી છે. સ્પેશિયલ એજ્યુકેટરની ૧૫૦૦ જગ્યાઓ માટે ભરતીની જાહેરાત કરાઈ છે. સમગ્ર શિક્ષા – શિક્ષણ વિભાગ અંતર્ગત જિલ્લાઓમાં ક્લસ્ટર, કક્ષાએ દિવ્યાંગ વિદ્યાર્થીઓ માટે જુદી જુદી ૩ કેટેગરીમાં ભરતીની જાહેરાત કરાશે. સર્વ શિક્ષા અભિયાન, ગુજરાતે પોતાની વેબસાઈટ પર વિશેષ શિક્ષકના પદ માટે ભરતી માટે ઓનલાઈન એપ્લિકેશન પ્રોસેસ શરૂ કરવામાં આવી છે. તમામ ઈચ્છુક ઉમેદવારો /http://ssarms.gipl.in/ પર ઓનલાઈન એપ્લિકેશન કરી શકો છે. ઓનલાઇન ફોર્મ ભરવાની તારીખ ઃ ૨૬/૦૫/૨૦૨૨ થી ૦૮/૦૬/૨૦૨૨ છે. ભરતી અભિયાન અંતર્ગત વિવિધ વિભાગોમાં ૧૫૦૦ ખાલી જગ્યા પર ભરતી કરવામાં આવશે. આ માટે અધિકારીક વેબસાઈટ પર વધુ માહિતી આપવામાં આવી છે. ઓનલાઈન એપ્લિકેશન ૨૬ મે, ૨૦૨૨ થી લઈને ૮ જૂન, ૨૦૨૨ સુધી કરી શકાય છે.
સ્પેશિયલ એજ્યુકેટર (સીપી) – ૪૩ પદ, સ્પેશિયલ એજ્યુકેટર (એમડી) – ૫૩૦ પદ, સ્પેશિયલ એજ્યુકેટર (આઈડી/એમઆર) – ૯૨૭ પદ કેટલો પગાર મળશે. સ્પેશિયલ એજ્યુકેટર (સીપી) ના પદ પર સિલેક્ટ થનારા ઉમેદવારને ૧૫૦૦૦ રૂપિયા પ્રતિ મહિના પગાર આપવામાં આવશે. તેની સાથે જ સ્પેશિયલ એજ્યુકેટર (એમડી) માટે ઉમેદવારને ૧૫૦૦૦ રૂપિયા પ્રતિ મહિના પગાર મળશે. તો સ્પેશિયલ એજ્યુકેટર (આઈડી/એમઆર) ને પણ આટલો જ પગાર જાહેર કરવામા આવ્યો છે. ઈચ્છુક ઉમેદવાર ૨૬ મેથી ૮ જૂન ૨૦૨૨ સુધી પોતાનુ ફોર્મ ઓનલાઈન જમા કરાવી શકે છે.