નવી દિલ્હી: ગુજરાતના મુખ્યમંત્રી ભૂપેન્દ્ર પટેલે શપથ લીધા બાદ પ્રથમ વખત દિલ્હીની મુલાકાત લીધી છે, આજે તેઓ પીએમ નરેન્દ્ર મોદી, ગૃહમંત્રી અમિત શાહ, રાષ્ટ્રપતિ રામનાથ કોવિંદને મળ્યા હતા. અમિત શાહ તેમના શપથગ્રહણ સમારોહમાં ખાસ ઉપસ્થિત રહ્યા હતા.
ગુજરાતના મુખ્યમંત્રી તરીકેનો કાર્યભાર સંભાળ્યા બાદ પ્રથમ વખત ભૂપેન્દ્ર પટેલ વડાપ્રધાન નરેન્દ્ર મોદીને પણ મળ્યા છે. બાદમાં ભાજપના રાષ્ટ્રીય અધ્યક્ષ જેપી નડ્ડાએ પણ સૌજન્ય મુલાકાત કરી હતી. તેમણે પદ સંભાળ્યા બાદ પ્રથમ વખત કેન્દ્રના વરિષ્ઠ નેતાઓ સાથે સૌજન્ય બેઠક કરી છે.
