સવેરા ગુજરાત, દેત્રોજ તા. ૧૪
દેત્રોજ તાલુકાની દેત્રોજ બ્રાન્ચ શાળામાં મુખ્ય શિક્ષક તરીકે ફરજ બજાવતા મહેશભાઈ બી.ગજ્જર શિક્ષણ, વહીવટ, સમાજસેવા અને શિક્ષણ સિવાયની અન્ય ઉત્કૃષ્ટ કામગીરી બદલ શ્રેષ્ઠ શિક્ષક તરીકેનો ચિત્રકૂટ એવોર્ડ આપવામાં આવ્યો હતો. વિશ્વ વંદનીય શ્રી મોરારીબાપુના હસ્તે તા.૧૧.૫.૨૦૨૨ને બુધવારે મુકામ તલગાજરડા તા.મહુવા, જી.ભાવનગર ખાતે કાળી કામળીની સાલ, રામનામી જપમાલા અને સન્માનપત્ર આપીને ચિત્રકૂટ એવોર્ડ આપીને સન્માન કરવામાં આવ્યું હતું. જે બદલ દેત્રોજ તાલુકાના પ્રા. શિ. સંઘ,અને દેત્રોજ તાલુકાના તમામ શિક્ષકો અને ગ્રામજનોએ આ ચિત્રકૂટ એવોર્ડ દેત્રોજ તાલુકામાં પ્રથમ વખત મળવા બદલ શુભેચ્છા પાઠવી હતી.