સીએમ ભૂપેન્દ્ર પટેલની અધ્યક્ષતામાં આજે રાજ્યમાં યોજાયેલી કેબિનેટની બેઠકનો અંત આવ્યો છે.
આ બેઠકમાં આગામી 100 દિવસો માટેનો રોડમેપ તૈયાર કરવામાં આવ્યો છે. મહત્વનું છે કે, બેઠકના એક મહિના બાદ રાજ્યના નવા મંત્રીમંડળને નવા પીએ અને પીએસ મળ્યા. જો કે, તમને જણાવી દઈએ કે રાજ્ય સરકારે નવા PA અને PS ની નિમણૂકમાં સંપૂર્ણ પણે ‘નો રિપીટ થિયરી’ અપનાવી છે.
મહત્વનું છે કે, સામાન્ય વહીવટ વિભાગે આજે રાજ્યમાં મંત્રીશ્રીઓના અંગત સચિવ, અંગત મદદનીશો અને અંગત સચિવોની નિમણૂક માટે આદેશો જારી કર્યા છે.
જેમાં મંત્રીમંડળની જેમ ફરીથી ‘નો રિપીટ થિયરી’ અપનાવવામાં આવી છે. આનો અર્થ એ થયો કે જૂના મંત્રીઓના એક પણ પીએ અને પીએસ ફાળવવામાં આવ્યા નથી. તમામ મંત્રીઓના પીએ અને પીએસ નવા નિમાયા છે.