અરવલ્લી જિલ્લાના ટીંટોઈ વિસ્તારના એક ગામમાં મામા-ભાણીના પવિત્ર સંબંધને કલંકિત કરતી ઘટના સામે આવી છે. નરાધમ મામાએ પોતાની સગી 13 વર્ષની ભાણીને પોતાની હવસનો શિકાર બનાવી છે. આ ઘટનાએ સમગ્ર જિલ્લાને હચમચાવી નાખ્યો છે.
પીડિત કિશોરીના પરિવારજનોએ ટીંટોઈ પોલીસ સ્ટેશનમાં આરોપી મામા વિરુદ્ધ ફરિયાદ નોંધાવી છે. પોલીસ દ્વારા તાત્કાલિક કાર્યવાહી હાથ ધરીને ગણતરીના કલાકોમાં જ આરોપી મામાને ઝડપી પાડવામાં આવ્યો છે. આરોપી મામાએ 13 વર્ષની માસૂમ ભાણીને લાલચ આપીને અને તેનું અપહરણ કરીને દુષ્કર્મ આચર્યું હોવાનો આરોપ છે. આ ઘૃણાસ્પદ કૃત્યથી પીડિત કિશોરી માનસિક અને શારીરિક રીતે ભાંગી પડી છે.
આ ઘટનાએ મામા-ભાણીના પવિત્ર સંબંધ પર કાળો ડાઘ લગાડ્યો છે. આ ઘટનાથી સમગ્ર વિસ્તારમાં ભારે આક્રોશ ફેલાયો છે. સ્થાનિકો આરોપી મામા માટે કડકમાં કડક સજાની માંગ કરી રહ્યા છે. પોલીસે આરોપી મામા વિરુદ્ધ પોક્સો એક્ટ સહિતની કલમો હેઠળ ગુનો નોંધીને વધુ તપાસ હાથ ધરી છે. આ ઘટના સમાજમાં મહિલાઓ અને બાળકોની સુરક્ષાને લઈને ગંભીર સવાલો ઉભા કરે છે.
Total Users : 54937
