સવેરા ગુજરાત,રાજકોટ, તા.૨૯
શુક્રવારના રોજ જામનગરના નવાગામ ઘેડ વિસ્તારમાં કરવામાં આવેલી એક ટ્રાફિક ડ્રાઈવ દરમિયાન સગીર યુવક સાથે કથિત ધોરણે ગેરવર્તન કરવા બદલ બે પોલીસ કોન્સ્ટેબલને સસ્પેન્ડ કરવામાં આવ્યા છે. જામનગરના જીઁ પ્રેમસુખ ડેલુ દ્વારા કોન્સ્ટેબલ હિતેષ ચાવડા અને વનરાજ ખાવડને સસ્પેન્ડ કરવાનો આદેશ જાહેર કરવામાં આવ્યો છે.કેસની વિગતવાર વાત કરવામાં આવે તો, જામનગર શહેરના બી ડિવિઝન પોલીસ સ્ટેશનમાં હિતેષ ચાવડા અને વનરાજ ખાવડને તૈનાત કરવામાં આવ્યા હતા. શુક્રવારના રોજ આયોજિત ટ્રાફિક ડ્રાઈવમાં આ બન્ને કોન્સ્ટેબલે જાેયું કે એક ૧૭ વર્ષીય સગીર પોતાના મિત્ર સાથે બાઈક પર બેઠો હતો. પરંતુ બાઈક પર રજિસ્ટ્રેશન પ્લેટ નહોતી. આ બાઈક ટ્રાઈફમાં અડચણરુપ હોવાને કારણે પોલીસે સગીરને તે યોગ્ય રીતે પાર્ક કરવાની સલાહ આપી હતી. પોલીસે જ્યારે વાહનના દસ્તાવેજ માંગ્યા તો તેમની વચ્ચે બોલાચાલી થઈ ગઈ હતી. સૂત્રોના જણાવ્યા અનુસાર, બેમાંથી એક પોલીસ કર્મીએ સગીર યુવકને લાફો પણ ઝીંક્યો હતો. જાે કે જામનગરના જીઁએ આ તમામ આરોપો ફગાવ્યા છે. ઉલ્લેખનીય છે કે સગીરના પિતા વ્યવસાયે વકીલ છે. તો ઘટના બન્યા પછી તેઓ પરિવારના સભ્યો સાથે મળીને સુપ્રીટેન્ડન્ટ પાસે પહોંચ્યા હતા.જીઁ જણાવે છે કે, પોલીસ જ્યારે સગીર અથવા મહિલાઓ સાથે કામ કરે ત્યારે સંવેદનશીલ રહેવું જાેઈએ. મહિલાઓ અથવા બાળકો સાથે કરવામાં આવતી કોઈ પણ પ્રકારની ગેરવર્તણુકને ચલાવી લેવામાં નહીં આવે. મને સગીરના માતા-પિતાએ ફરિયાદ કરી અને મેં સમગ્ર બાબતની તપાસ કરી હતી. મેં જાેયું કે તેમના આરોપ સાચા છે. માટે આગળની કાર્યવાહી હાથ ધરવામાં આવી.ઉલ્લેખનીય છે કે નિયમ અનુસાર, સગીર આરોપીના કેસમાં અત્યંત સંવેદનશીલતા દાખવવાની હોય છે. સગીર આરોપીઓના નામ પણ ગુપ્ત રાખવાના હોય છે. તેવામાં જ્યારે પોલીસ દ્વારા આ પ્રકારની ચૂક થઈ હોવાને કારણે ઘટનાની ચર્ચા થઈ રહી છે. એસપી દ્વારા તાત્કાલિક અસરથી બન્ને પોલીસકર્મીઓને સસ્પેન્ડ કરવામાં આવ્યા છે.
